The Peninsula半島酒店，喺香港有超過90年歷史，相信年紀大過大部份讀者，歷史非常悠久，係香港酒店入面一直處於頂級地位。美國前總統尼克遜、NBA球星米高佐敦等，前英女王伊利沙伯二世都有入住過半島酒店，可見地位幾咁受到世人認可。而酒店入面嘅嘉麟樓，更加係米芝蓮星級粵菜食府，過時過節身邊總會有朋友提起佢，就好似中秋月餅，嘉麟樓公認係全港最好食月餅之一。今次我地就黎睇下佢地嘅酒店自助餐餐廳露台餐廳。
The Verandah露台餐廳位於半島酒店一樓，要小心香港有另一間餐廳都係叫做The Verandah，不過就喺淺水灣，想去半島酒店食自助餐就要小心唔好book錯喇。
返黎今日主角The Verandah露台餐廳，作為一流酒店入面嘅西餐廳，環境當然舒適，不論係天花牆角裝飾，定係美食bar餐桌擺設，都盡顯心思，餐廳內更加係可以望到維港景色，令人心曠神愉。食物方面日式天婦羅、魚生、壽司、印度咖喱、燒烤、粵式燒臘、各類新鮮海鮮、海味、各式熱盤包括燒牛肉及燒豬髀、湯品更加有老火湯、燉湯或者香濃西湯。仔細咁睇，冷盤方面有巴拿馬火腿Parma ham、意式臘腸Salami、蔬菜條配紅菜頭鷹嘴豆泥、南瓜沙律配羽衣甘藍、煙三文魚、大蝦及雞蛋沙律配千島汁、仲有各式沙律醬及各式油浸蔬菜自己配搭。湯品通常會有兩款，當中可能係意大利海鮮湯。再到熟食方面，印度薄餅Naan Bread可以配上雞肉咖喱或許馬來魚。煎豬肉薄片、蜜糖芥末焗盲曹魚柳、煎魚餅、韓式牛仔骨、粉絲蒸扇貝、避風塘炒龍蝦等等應有盡有。
雪糕方面，唔係Mövenpick或者Häagen-Dazs，而係Sweet Fashion ICE，並唔係一般超市貨色，可見哩一餐係幾咁唔簡單。
當然啦，酒店餐館提供嘅食品，係視乎食材貨源供應情況面定，所以款式上會隨日子而有所改變，所以上面提及各式美食只能夠用作參考。
營業時間
午餐：下午 12:00 至 2:30
晚餐：下午 6:00 至 晚上 10:00
露台咖啡廳：下午 12:00 至 晚上 10:00
著裝要求 ：優雅休閒。請勿穿著運動裝（包括背心、運動褲和運動緊身褲）或沙灘裝（包括人字拖、沙灘涼鞋和塑料鞋）。男士請穿長袖有領恤衫、長褲及包趾鞋。
