安撫對方嘅情緒，絕對係有效，但係要小心千萬唔好再踩到對方嘅地雷，例如抱怨點解又嬲、又發脾氣咁，否則最後受害嘅都係你自己。
真誠道歉
女性天生情緒就比較敏銳，男朋友們可以唔知點做、可以唔識哄女朋友，但係真係唔可以唔道歉，道歉嘅重點係一定要真誠，要表現出自己係真心想去解決哩個問題，而唔係嫌麻煩，只係想快D令對方唔嬲、唔發脾氣，否則只會導致火上加油嘅後果。
柔情攻勢
大部分女性都比較容易心軟，如果不小心激嬲女朋友，可以試下表明自己真係唔知咩思，亦好盡力去了解問題所在，絕對唔係故意要激嬲佢，將自己的無辜無限放大，要用最溫柔嘅態度來融化女朋友。
浪漫約會
精心策畫一場完美嘅約會，表示希望可以藉著約會、旅行讓對方散下心，俾女朋友感受到自己是有心要彌補。
緩和氣氛
當感受到女朋友唔嬲嘅時後，就可以開始試下轉換相處時嘅氣氛，例如一個溫暖嘅擁抱、講個笑話、或者係任何可以表達和好嘅行為，咁樣做可以更好咁緩和對方情緒。
避免重蹈覆轍
同樣的問題不斷重複發生是最令人最頭痛，如果又踩中上一次嘅地雷，只會令女朋友更加嬲，又會俾佢一種無放響心嘅感覺。所以，千萬唔好響同樣嘅地方犯同樣嘅錯，相信不管係邊個都無法接受咁樣嘅行為。
