英女皇伊利沙伯二世（Queen Elizabeth II）於英國時間2022年9月8日下午在蘇格蘭巴爾莫勒爾城堡，有家人陪伴下安詳辭世，，終年96歲。她是英國歷史上在位最長嘅君主。
英女皇曾經係香港嘅「事頭婆」，係大部分香港人嘅集體回憶。在香港回歸之前，英女王曾經喺1975年及1986年到訪香港，亦係史上首位訪港的在位英國君主。以下為她曾經喺香港留低過嘅足跡，有機會的話大家都可以去一去。
1. 皇后碼頭
原來當年英女皇伉儷於1975年5月4日訪港，就係喺啟德機場降落之後，搭船喺皇后碼頭上岸，再於大會堂對出空地舉行歡迎儀式。可惜中環皇后碼頭已於2008年被拆卸，而家大家可以去中環9號、10號碼頭望海懷緬一下皇后碼頭舊址。
2. 何文田愛民邨
第二個地點，就係位於九龍何文田嘅愛民邨原來係香港第一代公屋，佢嘅特色就係擁有井形嘅天井。1975年英女皇伉儷訪港期間，就曾參觀當時入伙僅一年嘅愛民邨。當時市民僅一繩之隔，便能夠目睹英女王風采。
嘉咸街係中環主要街道之一，其中嘉咸街街市更是香港歷史最悠久的露天市集之一，有過百年歷史。英女皇伊利沙伯二世喺1975年訪港期間就親自踏入嘉咸街與檔主交流、與市民溝通，藉此了解民生。
想了解更多英女皇、英國皇室既事？可以去官網 The Royal Family: https://www.royal.uk
其他英國皇室小知識：皇家旗 (Royal Standard)
