唔食白飯，食花椰菜飯減肥

平日正餐，最常見正正就是白飯，以一碗白米飯黎講，就已經有兩百八十大卡，蛋白質八克，碳水化合物六十克左右，如果午餐晚餐每餐都吃兩碗飯，加埋就有一千一百二十大卡。假如減為一日兩碗飯，熱量就變成五百六十大卡，以成年女性每天應當攝取1500至2000大卡，成年男性2200到2500大卡計算，淨係白飯已經佔用相當大比例熱量! 所以，如果可以以其他低卡路里替代品，就可以輕鬆做到減肥效果。

今日就介紹花椰菜飯，花椰菜飯非常簡單，其實就係將花椰菜磨到細細粒，用黎代替飯。由於每杯花椰菜飯的熱量可少至於30卡路里，遠遠低過白飯，所以對減肥相當有幫助，味道溫和，質感同外觀都同白飯相似，但係熱量同碳水化合物只有一小部分，花椰菜本身就係菜，含有唔少纖維，所以係一個健康選擇。