近呢幾年，身邊有好多朋友都選擇移民，有啲人已經離開咗香港，亦有啲人計劃緊快將離去。而留下來嘅人，今年都唔知食咗幾多次farewell飯。朋友選擇到新嘅環境過新生活，當然好鄧佢地開心啦。但同時，心中總會有唔捨得嘅感覺。
對於有啲人黎講送機係一件好難既事。因為臨別一刻都會好想喊。甚至有啲人因為唔想喊，會選擇唔去送機。
話雖如此，作為好朋友，其實個個打從心底裏都好想去送機!
雖然依家科技發達，移民唔似幾十年前，幾乎永遠唔再見。
視像通訊可以見到大家，搭飛機去旅行亦係香港人習慣。
但一下子由每個月都約到食飯，變成幾年先見到一次真人，係會有一種落差。
心中雖然有萬般不捨，但當係社交軟件平台上見到朋友展開人生嘅另一頁，最終都會會心微笑。
“說了再見 約定再見 就會再見” – RubberBand “Ciao”
