恭喜恭喜! 好開心呀! 見證住身邊嘅朋友一個又一個新屋入伙,係香港呢個咁狹窄細小嘅地方擁有自己嘅小空間,真係好鄧朋友高興! 上門參觀新居時,點都要送份「入伙禮物」畀友人,來表達對主人家喺新居開展新生活嘅祝福。
以下有一啲人氣實用「入伙禮物」可以推薦畀大家!
空氣清新機
香港居住環境狹窄,人多塵多車又多,空氣品質每況愈下,好多人都飽受鼻敏感嘅困擾。送一部空氣清新機祝賀朋友新屋入伙就係一個很棒嘅選擇啦! 乾淨清新嘅空氣仲可以改善生活品質呢!
智能泡泡洗手機
開始疫情後,大家都注重咗衛生習慣。除咗出街戴口罩+使用酒精消毒之外,返到屋企第一件事,一定係即刻洗手!!! 一部智能泡泡洗手機,伸出雙手就可以自動感應噴出細緻綿密嘅泡泡,無論大人定小朋友都好鐘意,仲可以和手上 99% 嘅細菌講Byebye
多功能電熱鍋
依家好似人人屋企都有一款多功能電熱鍋! 點解? 因為多功能電熱鍋外表討好! 有唔同嘅顏色可以選擇! 仲可以配合唔同嘅烤盤做出百變嘅料理! 最緊要係機身細細,唔佔空間! 送呢份入伙禮物,女主人一定好超級開心!
小型抽濕機
香港出名潮濕,一到春夏時分,成間屋嘅濕氣就會變得勁重。有時候,牆身水管仲會濕到滴水,搞到人周身都唔舒服。所以,室內濕氣重嘅問題係不能忽視! 小型抽濕機絕對是入伙禮物好選擇! 細細部可以方便任意移動,走到邊乾到邊!