Good morning由一個美味方便早餐開始
香港嘅打工一族，朝朝早返工都係趕頭趕命，又怕塞車，又怕遲到，又怕唔知醒，仲點會有閑情逸致自製早餐丫~
好多打工一族都無食早餐嘅習慣，有啲打工一族更加只會買個空氣麵包就當一餐。咁其實係好唔健康!!!
一日之計在於晨，一個美味有營養嘅早餐其實好重要嫁! 當你朝早嘅第一餐食得美味而又有營養，你一整日身體都會充滿能量! 你可能會覺得一個美味又有營養嘅早餐係好複雜。但其實好簡單都可以做得到!
不如一齊睇吓有咩簡單美味營養早餐啦!
新鮮水果希臘優格
水果含有豐富嘅膳食纖維，而希臘優格擁有豐富嘅益生菌+多重營養。2者加埋一齊食，口味清爽又冰涼，好適合夏天嘅時候做一個快靚正早餐!
香草歐姆蛋
雞蛋富有高蛋白質，加埋香氣撲鼻嘅香草，望見金黃外表和完美味道的香草歐姆蛋真係會令人流哂口水呀，最重要係烹調歐姆蛋所需要嘅時間真係幾分鐘就搞掂!
牛油果吐司
牛油果脂肪含量高，其中 60% 是單不飽和脂肪，有研究表明單不飽和脂肪有助於預防心臟病，有助降低血壓哦~ 再直接加上吐司，呢個組合攜帶方便，隨時隨地都可享用呀!
蔬果果昔
如果你屋企有攪拌器，蔬果果昔都係一個好選擇! 將自己鐘意嘅蔬果一次過放哂入去攪拌器，用低速攪拌至光滑細緻，一杯美味又有營養嘅蔬果果昔就喺你面前啦~
甜粟米粒沙拉
以香甜健康嘅甜粟米粒沙律開啟你嘅一天是一個非常Good 嘅 Good morning !甜粟米粒配合自己鐘意嘅沙律，呢個香甜新鮮嘅組合真係令人有美好心情呀。
