第一件事:噓寒問暖!
一定要表現出自己好關心女朋友。身為男朋友嘅你又點會明白女人每個月嘅痛苦丫。但係,你嘅關心問候偏偏對女朋友來講就係一粒靈丹妙藥!雖然生理上係止唔到痛,但心理上就會暖在心頭,得到安慰! 咁簡單嘅方法,身為暖男男朋友嘅你一定一學就識!
(ps 一定一定唔可以叫女朋友飲暖水,呢個係一個地雷中伏嘅說話哦! )
第二件事:親手送上止痛藥!
有好多女仔經痛時,連行一步路都行唔到,甚至乎除咗下腹痛之外,成身都會腰酸骨痛。呢個時候,你親手送上止痛藥俾佢,佢一定會好感激你!止痛藥可以令佢係生理上舒緩痛楚,再加上係暖男男朋友嘅你親手送上,真係藥效double 呀!
第三件事:送上暖水袋/暖包!
好多女生經痛時都會沾寒沾凍,甚至會冒出冷汗!呢個時候,送上暖水袋/暖包就可以輕輕舒緩女朋友下腹嘅痛楚啦!令佢身心都感到溫暖!敷住暖笠笠嘅暖水袋/暖包休息,真係會舒服好多,訓得都訓好啲啦!