人人都有剪頭髮嘅經歷,但唔係人人都咁好彩,次次剪頭髮都有一個好嘅經歷。
成世人流流長,緊會中一次半次伏。
以下係大部人剪頭髮最唔鐘意嘅野! 你,又中咗邊幾樣呢?
1) 唔鍾意髮型師不斷講無聊野
好多髮型師都想同顧客打好關係,想個客次次剪頭髮都會記得自己丫嘛。所以,有好多髮型師都會落足咀頭,全程不斷同顧客吹水,又會問你好多嘢。但其實好多顧客都只係想安安靜靜畀髮型師專心剪靚個頭多啲。依家係嚟剪頭髮,唔係嚟傾偈。
2) 不停咁等
相信大家都有呢一個經驗,就算無指定髮型師,一入去髮型屋就叫你坐低等等。但其實唔會有人話俾你知要等幾耐,洗頭要等! 剪頭髮要等! 吹頭又要等! 唉~等嘅時間仲耐過剪頭髮嘅時間。
3)剪得太短
好多時候我哋剪頭髮都只係想修少少開叉髮尾,修吓個形狀。但髮型師永遠都好快手起刀落,一下就會剪得好多,真係叫停都叫唔切。唯有安慰自己,唔使剪頭髮剪得咁密啦!
3)剪完=無剪
但有啲髮型師偏偏相反,同佢講想剪多少少,偏偏佢就真係剪多少少俾你,剪完出嚟都好似無剪過咁。
4)唔聽我講,跟自己風格剪
明明同髮型師講好咗想點樣整啲頭髮,甚至乎會俾埋相佢作參考。但偏偏佢就會同你講:「呢個髮型唔適合你。」叫你唔好咁樣整。其實,我都係想試吓新形象姐,我都知你有你嘅專業意見,但點解咁都唔俾我試吓新形象呢。
5)剪完個髮自己好唔鍾意
剪一個好簡單嘅髮型,但遇着同自己唔夾或者功力唔夠嘅髮型師,佢剪完啲頭髮唔啱自己心水。當事人真係會唔開心成日,唯有當自己唔好彩。
6)不停sale 野
有啲好進取嘅髮型師會不停咁俾意見你,但其實佢哋只係想不停sale 野。明明我入髮型屋只係想剪頭髮,但髮型師就會同你講不如做焗油/染髮/電髮。務求想你光顧多幾個髮型項目。
7)剪剪吓我個頭,唔知走咗去邊
終於等到有髮型師幫自己剪頭髮,但點解剪到一半個髮型師會唔見咗嘅? 周圍望望,原來佢幫緊另一位顧客剪頭髮。有啲髮型師真係百足咁多爪,會同時間為幾個顧客剪頭髮。
8) 做焗油/染髮/電髮時,啲藥水接觸到頭皮和耳仔
都明白有時髮型師好忙,一個人同時處理緊幾位客人,而又未必個個髮型師都有助手,樣樣都要親力親為。但做焗油/染髮/電髮時都可以小心同細心少少,因為啲藥水接觸到頭皮和耳仔,真係會癢同敏感嫁。
9)髮型師好粗魯
有啲髮型師好粗魯,會好用力拉扯你啲頭髮,搞到你會覺得好痛,一啲都唔享受剪頭髮嘅過程。
10)髮型師有煙味
對於唔食煙嘅人來講,煙味對佢哋真係好sensitive,少少煙味都會聞到。一路剪頭髮一路聞到髮型師身上有煙味,其實都真係幾難頂。
剪頭髮時最唔鐘意嘅10件事,你,又中咗幾多件呢?