身處香港嘅都市人
失眠已經係好多人嘅常態
總有一個係你身邊，甚至乎你自己就係失眠嘅其中一員！
都市人生活壓力大，飲食唔定時 ，種種原因都會導致失眠！
以下落嚟有一啲小方法希望可以幫到大家解決失眠困擾
喺環境方面 ： 可以將房間嘅光線校暗/全黑 ，將溫度調校到自己舒適嘅溫度，播放令自己放鬆嘅音樂 ，令自己進入一個完全放鬆嘅狀態
喺生活習慣方面：將手機遠離自己，務求令到自己唔好喺瞓覺之前玩電話。另外，瞓覺之前唔好飲含有咖啡因或者其他刺激性嘅飲品。
喺心理因素方面：都市人壓力大，往往工作壓力會成為失眠嘅原因。呢個時候，你就要將工作上嘅煩惱或者其他令到你覺得有壓力嘅事情完全放低！ 比自己一個休息嘅機會！
仲有好多人都有唔同嘅方法來解決失眠！你睇吓呢啲小方法可唔可以幫到你！
瞓之前雙腳泡暖水，好多人特別係女士佢哋手腳都會冰冷瞓之前雙腳浸一浸暖水，令到自己隻腳冇咁冰冷瞓覺都會易入睡啲～
飲一杯暖鮮奶，有研究顯示喺瞓之前飲一杯暖鮮奶會令到人有一個放鬆降低憂慮嘅作用～
當然如果你係因為生理嘅因素而導致你有失眠嘅狀態，咁就要快啲睇醫生啦！
