美國黃石國家公園，位於懷俄明州、蒙大拿州同愛達荷州交界，有好多唔同嘅野生動物物種同埋有好多好靚、奇特嘅溫泉同間歇泉，相信唔係咁易係世界其他地方搵到。至於點解會有咁多溫泉同間歇泉呢？因為黃石國家公園入面有個火山，叫「黃石火山」，係北美最大而且仍處於活躍狀態嘅超級火山。不過大家又唔使太擔心，因為美國地質調查局對黃石火山區的地質活動進行緊長期嘅監測。
公園入面最出名就係「大稜鏡溫泉」，從裡面到外分別呈現出藍、綠、黃、橙等不同顏色。遊客可以經木製走道走近，就更能夠感受到大自然嘅鬼斧神工。
另外，園區有唔同嘅間歇泉，噴出來的熱水柱又高又澎湃，非常壯觀！同時，亦證明咗火山仍然咁活躍。
大家嚟黃石國家公園，可以選擇當地旅遊團或者自駕。不過計劃行程時要留意番，係11月初至下年4月中，由於路面會結冰，好多入公園嘅路都會封閉。同時，人數同活動範圍會受國家公園管理局規定的配額限制，所以大部分旅行團都唔會開辦。自駕嘅朋友亦要小心，因為…熊出沒注意!
